Museo Valle-Inclán da Pobra do Caramiñal, XV visita virtual diaria: “QUEDA NA CASA” vendo o teu museo!
COMO VIAXAR SEN SAÍR DA CASA
VISITA VIRTUAL Ó MUSEO VALLE-INCLÁN
Hoxe imos quita-lo cranio ante don Ramón, nesta décimo quinta xeira do noso ciclo, tal e como fan os seus personaxes, porque iniciamos outra mostra diferente da ampla obra de Valle-Inclán:
imos ver un anaco da famosa obra teatral de don Ramón Luces de bohemia, a cal inaugura o que será o seu famoso xénero teatral: o esperpento. Esta obra comezouse a publicar hai exactamente un século (1920), aínda que a versión definitiva non chegaría ata 1924. Tempo, pois, de homenaxear esta orixinal creación literaria!
Quitémo-lo cranio ante o noso grande escritor!
E lembrade que tódolos días teredes unha visita virtual guiada a este voso museo, mais sempre QUEDANDO NA CASA!
Peza do día: mércores 1 de abril de 2020
BORRANCHOS: aproximación á obra de Valle-Inclán
Serie plástica creada por Regueira
Luces de bohemia
Domingo Regueira
Tinta, augada de tinta en papel
2018
Orixinal
Museo Valle-Inclán (A Pobra do Caramiñal)
MAX. ―Os heroes clásicos reflectidos nos espellos cóncavos dan o Esperpento. O sentido tráxico da vida española só pode darse cunha estética sistematicamente deformada.
DON LATINO. ― Miau! Estaste a contaxiar!
MAX. ― España é unha deformación grotesca da civilización europea.
[…]
DON LATINO. ― Ti es xenial! Quito o cranio!
MAX. ― Latino, deformémo-la expresión no mesmo espello que nos deforma as caras e toda a vida miserábel de España.
(Valle-Inclán: Luces de bohemia. Esperpento, 1920-1924)
(Cita orixinal castelá)
MAX. ― Los héroes clásicos reflejados en los espejos cóncavos dan el Esperpento. El sentido trágico de la vida española sólo puede darse con una estética sistemáticamente deformada.
DON LATINO. ― ¡Miau! ¡Te estás contagiando!
MAX. ― España es una deformación grotesca de la civilización europea.
[…]
DON LATINO. ― ¡Eres genial! ¡Me quito el cráneo!
MAX. ― Latino, deformemos la expresión en el mismo espejo que nos deforma las caras, y toda la vida miserable de España.
(Valle-Inclán: Luces de bohemia. Esperpento, 1920-1924)
