Últimas Novas

As persoas gañadoras do II Concurso de Embelecemento de Balcóns e Fachadas xa contan co seu premio

As persoas gañadoras do II Concurso de Embelecemento de Balcóns e Fachadas xa contan co seu premio

23 Decembro, 2021
Parroquia de Santa María A Antiga do Caramiñal

Parroquia de Santa María A Antiga do Caramiñal

A concelleira da Promoción Económica, Charo Varela (Nós Pobra), fixo entrega nesta xornada dos premios ás persoas gañadoras da segunda edición do Concurso de Embelecemento de Balcóns e Fachadas, concibido co obxectivo de incentiva-la participación da veciñanza na ornamentación dos seus balcóns e fachadas, contribuíndo a incrementa-lo carácter vistoso das rúas nunhas datas tan sinaladas.

Parroquia de Santiago do Deán

Parroquia de Santiago do Deán

A dita recompensa consiste en cadansúa cesta do Nadal valorada en 300 euros e composta de produto local, axudando tamén á dinamización e posta en valor do comercio de proximidade.

Parroquia de Santo Isidro de Posmarcos

Parroquia de Santo Isidro de Posmarcos

No 22 de decembro déronse a coñece-las vivendas gañadoras desta convocatoria, a cal contou coa participación de 30 fogares con representación de tódalas parroquias do termo municipal. O xurado, constituído por representantes do tecido asociativo local e de empresas relacionadas coa ornamentación, decidiu que as distincións recaesen nunha vivenda situada no lugar da Pontenaveira (Santa María a Antiga do Caramiñal), noutra da rúa do Castelo (Santiago do Deán), nunha na Mercé (Santo Isidro de Posmarcos), nunha vivenda do lugar de Tarrío (Santa Cruz de Lesón) e noutra na rúa Areos (Santa María do Xobre).

Parroquia de Santa Cruz de Lesón

Parroquia de Santa Cruz de Lesón

Cómpre lembrar que a decoración de tódolos fogares inscritos deberá permanecer ata o día 6 de xaneiro, inclusive, tal e como se estipula nas bases.

Parroquia de Santa María do Xobre

Parroquia de Santa María do Xobre