Últimas Novas

Fin de semana cultural na Pobra co IV Ciclo Victoriano García Martí

Fin de semana cultural na Pobra co IV Ciclo Victoriano García Martí

2 Decembro, 2022
No acto de presentación do IV Ciclo Victoriano García Martí que tivo lugar no 23 de novembro de 2022

No acto de presentación do IV Ciclo Victoriano García Martí que tivo lugar no 23 de novembro de 2022

O calendario cultural da Pobra do Caramiñal dálle a benvida ao mes de decembro co IV Ciclo Victoriano García Martí. A finalidade desta programación é seguir afondando na traxectoria vital e profesional deste fillo predilecto da localidade, quen destacou polas súas múltiples facetas, pero cultivou especialmente a escritura e o xornalismo. Por todo isto, a Concellaría da Cultura, da cal é titular a edil Patricia Lojo (PSdeG-PSOE), continúa coa folla de ruta deseñada para divulga-lo legado deste ilustre veciño.

A conferencia O cabaleiro da Pobra e unha reveladora novela, a cargo de Esperanza Mariño Davila, iniciará esta cuarta edición no día 2, ás 20.00 horas, no Auditorio do Museo Valle-Inclán.

E o groso das propostas concentrarase no día 3: ruada con Trécola por espazos céntricos da vila, das 18.30 horas en diante; ofrenda floral ante o busto do intelectual, na propia praza García Martí, ás 19.00 horas; e presentación da edición facsimilar El emigrante (1931), da man de Xesús Laíño Briones-Arén, no Auditorio, ás 19.30 horas.

As actividades están abertas á cidadanía sen necesidade de inscrición previa.