Últimas Novas

Máis de setenta fotografías amosan na casa da cultura pobrense a vida de comunidades pesqueiras tradicionais

Máis de setenta fotografías amosan na casa da cultura pobrense a vida de comunidades pesqueiras tradicionais

23 Xullo, 2021
Autoría de Afundación

Autoría de Afundación

A casa da cultura Raquel Fernández Soler dá cabida a unha nova mostra dende o 23 de xullo e ata o 27 de agosto da man de Afundación, ABANCA  e o Concello da Pobra do Caramiñal, a través da Concellaría da Cultura, da cal é titular a edil Patricia Lojo (PSdeG-PSOE). Nesta ocasión, trátase da exposición Fillos do océano, unha síntese das mellores imaxes que o fotógrafo Javier Teniente tomou, durante varios anos, nunha viaxe por comunidades pesqueiras tradicionais de todo o mundo. Ofrécese así un percorrido fotográfico composto por máis de setenta instantáneas que presentan a forma de vida de poboacións vencelladas á pesca artesanal, polo que dependen exclusivamente do mar e están a sufrir o esgotamento dos recursos mariños por sobreexplotación ou por causa da contaminación. Fillos do océano constitúe, polo tanto, unha homenaxe a esa xente do mar, pero tamén unha chamada de atención e de concienciación social a favor da preservación dos ecosistemas mariños.

As visitas pódense efectuar de luns a venres, en horario de 10.30 a 13.30 e de 19.00 a 21.00 horas, seguindo as medidas implantadas por mor da COVID-19.

Autoría de Afundación

Autoría de Afundación

Autoría de Afundación

Autoría de Afundación

Esta colaboración é parte do proxecto Corrente cultural, co que Afundación e ABANCA están promovendo un programa de exposicións en diferentes localidades galegas, e que considera a arte como un instrumento imprescindible para fomentar o coñecemento e o desenvolvemento colectivo.