Nos vindeiros días abre o prazo de presentación de solicitudes para a campaña autonómica O teu mellor verán para a mocidade

A Campaña de Verán de 2024 da Xunta de Galicia ofrece durante os meses de xullo, agosto e setembro unha serie de actividades dirixidas á mocidade galega con idades comprendidas entre os 9 e 30 anos.

Baixo o lema O teu mellor verán, desenvolveranse campamentos, campos de voluntariado, programas de intercambios bilaterais, o programa Conecta con Galicia, os minicampamentos Coñece Galicia e o uso de instalacións xuvenís e actividades de ocio alternativo para maiores de 18 anos.

Todo isto tradúcese en 11 533 prazas no total.

O prazo de presentación de solicitudes abre no 17 de abril. O formulario cubrirase a través da sede electrónica da Xunta de Galicia, polo cal se poderá empregar calquera dos mecanismos de identificación e sinatura admitidos polo dito portal, incluído o sistema Chave365.

A Oficina Municipal de Información de Consumo (OMIC) ofrece asesoramento sobre cal das opcións se adecúa mellor aos intereses das persoas que desexen participar neste recurso de ocio.

Máis información en https://xuventude.xunta.es/accion-de-veran.