Campionato de España de Bateis 2024

Con motivo do Campionato de España de Bateis, A Pobra convértese en capital do remo. A nosa localidade está estreitamente vencellada ao mar e, a través desta disciplina deportiva, exploramos e fortalecemos este nexo. En definitiva, potenciamos parte da nosa identidade como pobo.

Mes de abril con campionato provincial, galego e, nesta fin de semana, é a quenda do nacional. Os nosos mellores desexos para os clubs que tomarán parte deste grande espectáculo deportivo, pero, particularmente, ao noso Club Remo Puebla que asistirá con sete equipos.

Nesta fin de semana, toda a atención na Pobra do Caramiñal! E, para quen non se poida achegar á dársena do peirao comercial para as finais do domingo 28, teñen igualmente ocasión de desfrutar das regatas vía ‘streaming’: https://www.youtube.com/watch?v=evBeJ0-ujVo