A creatividade desfilou pola Pobra no Martes de Entroido
A Pobra do Caramiñal viviu un frenético Martes de Entroido co gallo do desfile que se recuperou trala paréntese ocasionada pola pandemia. Pouco despois das 17.30 horas, a comitiva festiva partiu das inmediacións da estación de autobuses para percorrer o núcleo da vila e luci-la creatividade que despois resultaría enxalzada no concurso dirixido a maiores de 13 anos. Conducido polo humorista Fran Campos, o certame desenvolveuse fronte a E.E.I. Fernández Varela, onde o xurado emitiu o seu veredicto despois de avaliar o transcurso de todo o itinerario, vestiario, maquillaxe ou a posta en escena, entre outros aspectos. Deseguido, a concelleira da Cultura, Patricia Lojo (PSdeG-PSOE), xunto co seu homólogo da Mocidade, José Andrés Lojo (Nós Pobra), fixeron entrega dos galardóns.
Na categoría parellas/individuais, o primeiro premio, dotado con 200 euros, foi parar a Vixiantes de Jurassic Park; o segundo a Pesadilla antes de Carnaval (150 euros); o terceiro a María e a súa galiña (125 euros); e o cuarto a Soldado Resident Evil (100 euros).
Desfile Entroido 2023. Parellas-Individuais. Vixiantes de Jurassic Park
Desfile Entroido 2023. Parellas-Individuais. Pesadilla antes de Carnaval
Desfile Entroido 2023. Parellas-Individuais. María e a súa galiña. Recolleito por un familiar
Desfile Entroido 2023. Parellas-Individuais. Soldado Resident Evil
Doutra banda, na modalidade grupal, Circus siderum acadou a primeira posición, cunha contía asignada de 400 euros; Flocos de millo, a segunda (300 euros); Entroido GP, a terceira (200 euros); e Silent Hill, a cuarta (150 euros).
Desfile Entroido 2023. Grupal. Circus siderum
Desfile Entroido 2023. Grupal. Flocos de millo
Desfile Entroido 2023. Grupal. Entroido GP
Desfile Entroido 2023. Grupal. Silent Hill
E tamén houbo recompensa para as carrozas: Fantasía do Carnaval co primeiro posto (700 euros); Fondo mariño do Areal, o segundo (400 euros); Grease. Volvemos por ti, o terceiro (200 euros); e A Granxa, o cuarto (100 euros). A maiores, as carrozas percibirán cadansúa gratificación de 200 euros por asistir para axudarlle así a sufraga-los gastos de confección.
Desfile Entroido 2023. Carroza. Fantasía do Carnaval
Desfile Entroido 2023. Carroza. Fondo mariño do Areal
Desfile Entroido 2023. Carroza. Grease. Volvemos por ti
Desfile Entroido 2023. Carroza. A Granxa
Aproveitouse a ocasión para outorgar as recompensas aos disfraces gañadores da festa infantil do 19 de febreiro. A primeira distinción recaeu en Fantasía do Circo (200 euros); a segunda en Fantasía do Oeste (150 euros); a terceira en Play Maño (125 euros); a cuarta en As lechuzas (100 euros); e a quinta en As indomables (75 euros).
Desfile Entroido 2023. Infantil. Fantasía do Circo
Desfile Entroido 2023. Infantil. Fantasía do Oeste
Desfile Entroido 2023. Infantil. Play Maño
Desfile Entroido 2023. Infantil. As lechuzas
Desfile Entroido 2023. Infantil. As indomables(2)
Repartíronse así un total de 5 075 euros entre os dous certames e as gratificacións ás carrozas.
Contouse tamén coa participación das comparsas As Sonecas, Cor Café e Os da Caña.
Tras varios días de festa, o Entroido pobrense despedirase ata o vindeiro ano co enterro do Felipiño do Maño no 25 de febreiro, con saída programada para as 19.00 horas dende o campo do Maño.
