Alumnado do CPR Mendiño aproxímase ao comercio local da Pobra

Unha vintena de estudantes do ciclo medio de Actividades Comerciais do CPR Mendiño, de Vigo, desprazouse na mañá do 29 de novembro á Pobra do Caramiñal para facer prácticas coa técnica de márketing encargada de toda a montaxe e decoración na localidade para contribuír á dinamización económica e social polo Nadal.

O alumnado foi recibido na Casa Mariñeira pola concelleira da Promoción Económica, Amparo Cerecedo, quen puxo en valor esta iniciativa que lle permite complementa-los coñecementos teóricos impartidos polo profesorado e aproximarse aos comercios, negocios e praza de abastos da localidade, así como as oportunidades existentes en materia de emprendemento.