Coworking

Localízase na planta baixa do edificio que tamén alberga a Casa da Mocidade. Leva en funcionamento dende 2017. Conta con capacidade para dez emprendedoras e emprendedores e divídese nunha estancia para reunións, nunha sala de audiovisuais, nunha cociña cunha área de descanso e un aseo. Este tipo de espazos concíbense como un punto de encontro onde se xuntan persoas que desenvolven distintas actividades empresariais e non precisan dunha oficina física, para así traballaren de xeito individual nun ambiente laboral produtivo, podendo incluso crearse sinerxías.