Mercado municipal

Localízase en fronte do Museo Valle-Inclán, nas proximidades da praia dos Areos. É unha edificación que se divide en dous andares: no inferior sitúanse comercios da localidade, mentres que a planta superior está destinada á hostalaría. Os locais dedícanse fundamentalmente ó eido da alimentación (peixarías, froitarías, carnizarías...). Ofrécese así á veciñanza e visitantes unha variada gama de produtos de proximidade e de calidade, ademais de frescos. Nos mércores ten lugar o mercado ambulante semanal, cuxos postos se colocan nos arredores deste edificio.