PÍSCORE PRESENTA “CONCERTO SINGULAR”

Venres 12 de maio ás 20.30 h no teatro Elma

A compañía Píscore presenta  o seu Concerto singular. Catro percusionistas que sen necesidade de palabras dan o mellor de si sobre o escenario. Un só instrumento, a marimba, para repartir entre todos eles, é o fío condutor desta comedia musical. Oito mans, dezaseis baquetas e un só instrumento sobre o escenario. Sen dúbida, o de hoxe trátase dun concerto singular.

“É un espectáculo que mestura música virtuosa e moito teatro, con moita comedia e moito humor…”

A entrada é de balde e pódese recoller no teatro Elma unha hora antes do comezo do espectáculo.

Esta actividade organizada pola Concellaría da Cultura da Pobra do Caramiñal fai parte do programa Cultura no Camiño, da Xunta.