A Pobra convértese un ano máis en etapa da Regata Mar de Maeloc
De esquerda a dereita: Jorge Alonso, subdirector xeral de Maeloc; Charo Varela, concelleira do Turismo da Pobra do Caramiñal; e José Antonio Portela, presidente do Real Club Náutico de Vigo. Regata Mar de Maeloc
Os 51 veleiros participantes na Regata Mar de Maeloc/58ª Rías Baixas arribaron na tarde deste 11 de agosto ao náutico da Pobra do Caramiñal, completando así a segunda etapa con saída dende Combarro. Alí foron recibidos pola concelleira do Turismo, Charo Varela (Nós Pobra); José Antonio Portela, presidente do Real Club Náutico de Vigo; e Jorge Alonso, subdirector xeral de Maeloc. Durante a quenda de intervencións, a edil expresou o seu agradecemento por elixir un ano máis ao municipio como etapa do circuíto.
Entrega de premios da segunda etapa da Regata Mar de Maeloc
O acto coincidiu tamén coa entrega de premios ás embarcacións gañadoras da segunda etapa, quedando os resultados da seguinte maneira: Clase Open 2 (Nahela), Clase Open 1 (Txole), Clase 4-5 (La Burla Negra), Clase 3 (Bosch Services) e Clase 1-2 (Aceites Abril).
Posteriormente, cada un dos barcos recibiu unha bolsa de agasallos, cortesía do Concello, composta por material de promoción do turismo, conservas de Ramón Franco (doadas pola propia empresa) e un viño da Denominación de Orixe Terra de Barbanza e Iria.
Entrega de premios da segunda etapa da Regata Mar de Maeloc
A travesía continúa na xornada deste 12 de agosto no municipio coa terceira etapa A Pobra do Caramiñal-A Pobra do Caramiñal para, finalmente, proceder coa cuarta e última, A Pobra do Caramiñal-Vigo, lugar que constituíu o porto de saída e, polo tanto, primeira etapa unindo a cidade olívica con Combarro.
Entrega de premios da segunda etapa da Regata Mar de Maeloc
Entrega de premios da segunda etapa da Regata Mar de Maeloc
Entrega de premios da segunda etapa da Regata Mar de Maeloc
