Comezará mañá unha cribaxe no sector dos servizos pobrense

A Consellaría da Sanidade comezará no día de mañá, venres 15, unha cribaxe no sector do comercio da Pobra. As probas realizaranse no Hospital da Barbanza e afectarán 50 establecementos, é dicir, 91 persoas traballadoras neles. Abranguerán os comercios, pero tamén outros servizos, como os taxis, os salóns de peiteado etc.

O Concello da Pobra do Caramiñal expresa o seu agradecemento ao Sergas por posibilitar esta nova cribaxe e tamén ao sector pola colaboración amosada.