TI E MAIS EU TEATRO: "UN NADAL DE NEVE E SOÑOS"

Venres 29  de decembro ás 18.00 h no teatro Elma

Sinopse:

É NADAL! Nevaaaa…!!!! Que doado é soñar!!! Nunha pequena casa feita de talos de madeira vive o señor trasgo, en soidade, no medio do monte…De súpeto empeza a nevar e o noso protagonista abre a ventá. Envolto na maxia dun gran manto branco e ollando como as serpentinas folerpas caen no chan, nas árbores, e entran pola fiestra aberta…..Os soños acenden paseniño o seu corazón solitario e, a golpe de latexos, nacen os personaxes desta historia que te engaiolará. Un paxariño pousa na repisa da ventá….. “Señor trasgo!…Señor trasgo!…Teño fame e frío….Terá unhas faragullas de pan? O Trasgo, feliz e compasivo, responde: “Pasa e quenta arredor do lume. Eu vou prepara-la cea… Para nó-los dous e para os que chegarán…!!! Quen máis chegará á casa de madeira do trasgo? Por que non podes ser TI o/a afortunado/a?

PARTICIPA CO TRASGO NESTE BONITO SOÑO DO NADAL!

Organiza a Concellaría da Cultura da Pobra do Caramiñal en colaboración coa Rede Cultural da Deputación da Coruña.