Incrementaranse as prazas do centro de día da Pobra
A conselleira da Política Social, Fabiola García, acompañada, entre outras autoridades, por membros da corporación municipal, visitou o centro de día da Pobra do Caramiñal para anunciar que se amplían as prazas de atención e coidado a veciñanza da contorna. A instalación conta actualmente con vinte persoas usuarias e, coa suma destas dez novas prazas, preténdese dar resposta á demanda crecente deste servizo e á preferencia dos/as maiores de quedar preto da súa casa, tal e como indicou a titular da Política Social. Así, o investimento anual será de 272 000 euros.
Nesta mesma liña referiuse o alcalde, Xosé Lois Piñeiro (Nós Pobra), quen fixo fincapé que, ao igual que ata o de agora, o Concello está a disposición para todo canto se precise dentro das súas competencias. Ademais, xunto coa edil dos Servizos Sociais, Amparo Cerecedo (BNG), deron traslado á representante da Administración autonómica da necesidade dalgunhas actuacións de mantemento no edificio.
Ao respecto da importancia do incremento do número de prazas tamén aludiu o tesoureiro de COGAMI, Álvaro García.
Fabiola García, ademais, fixo un repaso por outros servizos que oferta a Xunta destinados ás persoas maiores, tales coma o Servizo de Axuda no Fogar, o programa Xantar na casa ou o autobús de Coidados Porta a Porta.
