MUSICAL INFANTIL E FAMILIAR “DE AQUÍ PARA ALÁ” XOVES 29 DE DECEMBRO ÁS 18.00 H NO TEATRO ELMA
O concerto “De aquí para alá” é unha proposta musical e teatral para público infantil e familiar interpretada por músicos profesionais coordinados por Lydia Botana, autora e directora deste espectáculo.
DE AQUÍ PARA ALÁ é un proxecto de música infantil no cal viaxamos arredor do mundo aprendendo, escoitando, bailando e cantando as músicas de cada lugar facendo partícipe o público para que nos acompañe na procura de novos sons!
A través da música contarémo-la historia dunha bolboreta que remata a súa metamorfose co son dos instrumentos musicais. Embarcarémonos nunha viaxe musical arredor do mundo pasando polo Brasil, por Cuba, pola Xamaica, polos Balcáns, polos Estados Unidos, pola Galiza e por moitos lugares máxicos por descubrir.
Organiza a Concellaría de Cultura da Pobra do Caramiñal e colabora a Deputación da Coruña.
