Conferencia "Mulleres, museos": sábado,9 marzo 2019, 19.30 h
O Museo Valle-Inclán súmase á conmemoración na nosa vila do 8 de marzo, Día Internacional da Muller, coa conferencia “Mulleres, museos”.
Pretendemos así divulga-lo labor que dende os museos se vén realizando nos últimos anos na recuperación e recoñecemento da memoria das mulleres. Un camiño complexo que comeza na procura da igualdade de dereitos, nos estudos pioneiros en perspectiva de xénero e na necesaria reelaboración do discurso histórico e artístico que no caso dos museos é relatado a través dos bens conservados. Todas estas cuestión fóronse reflectindo, ós poucos, na actividade cotiá dos museos, onde a presenza de mulleres é maioritaria, tanto no plano profesional coma no relativo ás súas usuarias e usuarios.
Entrada libre ata completa-la cabida
