Os Reis Magos repartiron ilusión entre a veciñanza da Pobra

As súas maxestades os Reis do Oriente visitaron no día de hoxe, 05 de xaneiro, o municipio da Pobra, realizando un percorrido en coches convertibles para que toda a veciñanza, grandes, pequenas e pequenos, puidese velos e saudalos.

Antes do inicio da súa viaxe por todo o termo municipal, incluídas as parroquias, Melchor, Gaspar e Baltasar achegáronse ata o consistorio e, a través dun vídeo emitido no Facebook do Concello da Pobra do Caramiñal, transmitiron as súas mensaxes.

No transcurso do itinerario contouse coa colaboración da Policía local e da Protección Civil. Ademais, a ruta difundiuse por streaming a través da referida conta do Facebook, onde permanece colgado o contido, así como na canle do Youtube.