Gráfica coa evolución da pandemia na Pobra para este 17 de abril

Deixámoslles unha actualización da gráfica que reflicte a evolución da pandemia no noso municipio, cos datos incluídos deste 17 de abril de 2021, a través de dous parámetros.

En verde, represéntase o número de casos nos últimos 14 días e a liña vermella curva traza a media dos casos dos últimos dez días: a media móbil. Esta última ten a utilidade de indicar mellor a tendencia que segue a pandemia, pois é menos sensible ás variacións bruscas que se poden dar dun día para outro pero que non se manteñen no tempo. Por este motivo, a súa forma é máis suave ca a do parámetro anteriormente mencionado, non crece de maneira tan acusada cando hai subidas bruscas, pero, en consecuencia, tamén se dobrega con máis dificultade.

Reparamos como subiu un caso respecto á xornada de onte, mais obsérvase unha lixeira baixada con relación aos días anteriores, pero cómpre non baixa-la garda.

Finalmente, a liña vermella máis grosa, a horizontal, sinala o límite dos 250 casos por cada 100 000 habitantes.