
Acto dedicado ao estudantado de 2.° do bacharelato do IES da Pobra do Caramiñal
Na praza Alcalde Segundo Durán (praza Maior) desenvolveuse na mañá deste 12 de xuño un acto dedicado ao estudantado de 2.° do bacharelato do IES da Pobra do Caramiñal, no cal se lle fixo entrega de cadanseu diploma.
Interviñeron o equipo directivo do centro educativo, unha docente en representación do profesorado, dúas alumnas no nome do estudantado e o alcalde, Xosé Lois Piñeiro (Nós Pobra).
Contouse coa colaboración de voluntarias e voluntarios da Protección Civil.