A rapazada da Pobra xa ten nas súas mans o libro gañador do VI Premio Carlos Mosteiro
CEP Pilar Maestú Sierra
Os colexios da primaria da Pobra do Caramiñal xa contan co libro gañador do VI Premio de Literatura Infantil Carlos Mosteiro: Fóra de xogo, de José Luis Baños.
A concelleira da Cultura, Patricia Lojo, e a técnica municipal desta área, Fita Sanisidro, desprazáronse nesta semana ata os CEP Pilar Maestú Sierra e Salustiano Rey Eiras para facer entrega de aproximadamente 350 exemplares entre o alumnado de ditos centros, ademais dos que se lle outorgan ás bibliotecas escolares dos mesmos.
CEP Pilar Maestú Sierra
CEP Pilar Maestú Sierra
Xa a finais do pasado mes, ao abeiro da axenda do Maio das Legas Galegas 2024, 6°. curso do CEP Salustiano Rey Eiras tivo ocasión de asistir ao acto de entrega do premio e presentación da obra, polo que puideron leva-los seus libros con dedicatoria do autor.
“O repartimento de exemplares entre a rapazada pobrense é un dos compromisos adquiridos polo Concello da Pobra do Caramiñal na convocatoria deste certame literario, ademais da gratificación económica de 3.000 euros e o sufraxio de parte da edición”, salienta a edil. Lojo precisa que, desta maneira, “promóvense boas lecturas e en galego entre as xeracións máis novas de pobrenses e foméntase a reflexión sobre temas de actualidade. Continuamos así co espallamento da cultura e a homenaxe a un veciño, mestre e escritor, que xogou un papel fundamental na literatura infanto-xuvenil.”
CEP Salustiano Rey Eiras
CEP Salustiano Rey Eiras
CEP Salustiano Rey Eiras
