Talento sobre rodas co festival de Nadal de patinaxe artística na Pobra
Un Nadal máis toca desfrutar das pericias sobre rodas no festival de patinaxe artística dos clubs da Pobra do Caramiñal e de Ribeira.
Este evento festivo-deportivo terá lugar no 21 de decembro, a partir das 19.00 horas, no polideportivo municipal de Venecia e conta coa colaboración de varias institucións, entre elas, a Concellaría dos Deportes da Pobra do Caramiñal.
A este respecto, o edil Eloy Sobrido manifesta que “con motivo do Nadal, teremos ocasión de ser testemuñas do talento sobre rodas dos clubs de patinaxe artística. Trátase dunha cita máis para seguir desfrutando do deporte por estas datas.”
