Tícket eléctrico social 2017

O departamento dos Servizos Sociais da Pobra do Caramiñal pon no coñecemento da veciñanza que se publicou no DOG, no pasado luns 16 de xaneiro, o anuncio relativo á concesión de subvencións para o pagamento de parte da factura eléctrica a través do tícket eléctrico social, unha axuda que poden solicitar aquelas unidades de convivencia con menores ou persoas discapacitadas (cun grao de discapacidade igual ou maior a 33%), cuxos ingresos totais da unidade de convivencia non superen 1,5 veces o IPREM (9 585,19 euros ó ano).

Os gastos subvencionábeis recollen as facturas de electricidade (co IVE incluído) cuxo período de lectura estea comprendido entre 1 de xullo de 2016 e 30 de xuño de 2017. O prazo para face-las solicitudes está xa aberto e remata no 15 de xullo de 2017.

Para máis información, as persoas interesadas poden consulta-los datos da convocatoria na páxina web da Xunta de (Consellaría de Economía, Emprego e Industria) ou dirixirse ás oficinas dos Servizos Sociais sitas na rúa Castelao (edificio do CAD).