Autobús para asistir ao programa Bamboleo con saída dende A Pobra

O programa Bamboleo, que se emite na TVG, pon a disposición da veciñanza maior de 16 anos un autobús gratuíto para asistir como público e desfrutar así dunha xornada de música en directo, grandes artistas e moitas risas.

A saída efectuarase no 22 de novembro, ás 17.30 horas, do recheo portuario situado na parte traseira da E.E.I. Fernández Varela.

As prazas son limitadas, polo que se require inscrición previa mediante o whatsapp do programa: 649428489. Tan só é preciso indicar que a localidade de procedencia é A Pobra do Caramiñal, o nome completo, o DNI e a data de nacemento.